O CIR permanecerá aberto ata o mes de outubro



Situación:

Parroquia : O Ézaro (Santa Uxía) 

Lugar : O Ézaro

Paseo Marítimo s/n

15151 Dumbría - A Coruña

Horario de apertura

De martes a sábado de 10:30 a 13:30 e de 16:00 a 19:00. E os domingos de 11:00 a 14:00 h. nos meses de xuño a outubro.

Este centro de interpretación é a base dun espazo protexido pola Rede Natura 2000.

Conta con unha grande diversidade de hábitats e especies animais e vexetais de gran interese.

Praias, dunas, marismas, acantilados, illas Lobeiras e reserva mariña. O río Xallas coa lexendaria fervenza do Ézaro, o Olimpo Celta de O Pindo coas súas esculturas naturais de granito, Punto de Interese Xeolóxico Nacional.

Todo isto forma un dos espazos litorais máis variados da comunidade, onde o natural desborda grandeza.

O Centro de Interpretación do Monte Pindo e Fervenza do Ezaro, na praia do Ézaro, presenta por medio de rutas, información sobre a xeoloxía, flora e etnografía destes singulares espazos naturais. O CIR conten paneis informativos, unha maqueta do monte e as 4 rutas.O edificio que acolle o CIR tamén chamado no Ezaro a Casa de Pedra, resulta axeitado e reúne certos atractivos tales como unha ubicación privilexiada, construcción tradicional e acolledora, situado na ruta de paso ao Monte Pindo e á Fervenza. Os contidos e a información que se divulga no CIR é heteroxénea, analizando o Monte Pindo dende un punto de vista etnográfico, histórico-mitolóxico, xeográfico-xeolóxico, flora-fauna e Rutas de acceso. Deste xeito a través dun soporte interactivo e lúdico móstrase a ubicación, altitude, formación, idade xeolóxica,orografía, e formacións rochosas do Monte Pindo e da Fervenza do Ézaro e a súa formación. Igualmente faise referencia mediante maquetas, paneis iluminados, pantallas, vinilos e reproducións volumétricas a todo tipo de referencias históricas, lendas e ritos ancestrais. No mesmo eido establécense o mesmo tipo de escenarios para recrear a fauna e a flora mostrando as especies máis relevantes, como pode ser a Quercus Lusitánica.

RUTAS galego          RUTAS castellano          RUTAS english          RUTAS français

O tempo en Dumbría
25 de xullo 2016
- - -
CONCELLO DE DUMBRÍA / ANO 2016
Rúa do Concello S/N, 15151 Dumbría - A Coruña _TEL. 981 744 001 _FAX. 981 744 031_ correo@dumbria.dicoruna.es