O Gran Fondo Ézaro, ÉXITO rotundo en Fitur 2019.

O Alcalde José Manuel Pequeño, presento onte en Madrid o Gran Fondo Ézaro 2019, que celebrarase o 7 de xullo.

”O espectáculo ciclista máis importante de Galicia”. Así presentaron Concello de Dumbría, CMAT e Deputación da Coruña O Gran Fondo do Ézaro, o gran protagonista do primeiro día de feira no stand provincial.

A proba cicloturista que está integrada na UCI Gran fondo World Series, na que a de Dumbría é a única das súas 21 probas que celébrase en España; o que pon unha vez máis a Dumbría e Costa da Morte no foco internacional.

Levando o acto Terio Carrera, acudiron caras coñecidas da televisión coma Touriñán, David Amor e Federico Pérez, e con lendas co ciclismo coma Miguel Indurain e Perico Delgado, sendo a presentación do Gran Fondo Ézaro 2019 unha das máis visitadas do día.

Xosé Regueira e José Manuel Pequeño destacaron a gran proxección nacional e internacional que supón esta proba para a Costa da Morte, sendo un auténtico reclamo deportivo e turístico.

Anticipándose no tempo, unha vez máis, Dumbría soupo ver que as accións conxuntas deportivas e turísticas, son a nova aposta de futuro e un motor económico-turístico de gran relevanza; “o evento supón un importante retorno a nivel turístico para a zona, pois o mirador pasou nestes anos de rexistar 2.000 a 80.000 visitantes”.