Quero dárvola a benvida á páxina web do Concello de Dumbría, unha páxina que ten como obxectivo primordial ser un punto de información e de encontro para tódolos veciños do concello e de servir de guía para que os que nos visiten.

Dumbría é unha terra milenaria, atravesada polas pegadas de milleiros de peregrinos á procura do solpor. Temos unha situación xeográfica privilexiada e, xunto coa revalorización do noso patrimonio cultural e natural, queremos aumentar a calidade de vida dos nosos veciños e atraer aos visitantes a que disfruten do noso concello.

A través desta páxina invitámoste a percorrer algúns dos lugares do concello e descubrir unha terra onde a natureza creou lugares con encanto e nos que habitan xentes amables e acolledoras.
           
Un cordial saúdo.


José Manuel Pequeño Castro
Alacalde de Dumbría